Paggena:Opere inedite di varj autori - Tomo I (1789).djvu/163

153

Egroca

Che fanno sti sbelleffie.
Ma quanno fenarria
Chi tutta vo contà sta guittaria?
Cian. Che buoie fa, frate mio?
Mo chiste tiempe correno:
E chille, che descorreno,
Comm’a tte, che si ssapio, certamente
Pur’hanno lo golio
De non vede ssa gente;
E che sparafonnassero sse ghioje:
Ma cossì è l’uso de lo juorno d’oje.
Chiammance Fonzo: comme mpedarrisse
Ste bernie? che rreparo nce darrisse?
Ton. Pecchesso io te deceva,
Ca mo non te punte sta ’n miezo a na via:
Ma t’aie da mpertosare.
Cian. Pecchesso io mme nne jeva;
Pe sti viche scontruse, p’arrevare
Cuoveto cuoveto anfi a la Paggiaria.
Ton. Comme llà baje? e che nc’aie quacch’amico?
Cian. Io servetore antico
So stato, e sso de chille segnorielle;
E pe l’ammore lloro
Me farria felle felle:
Pecche le stimmo comm’a no trasoro,
Tanto so buone. O che fegliule d’oro!
E li primme, e li rete
Se fanno volè bene da le pprete.
Io l’ammo da patrune; e isse a mmene,
Comm’a criato lloro, vonno bene.
Comme so accrianzate!

Da

G 5