Da ccà te vede, ca so buone-nate.
Ton. Chesso c’aie ditto mo, ’n coscienzia è bero:
Ca maje no cavaliero
(E ttanto chiù se sia buono nvezzato)
L’aie visto scrianzato.
Se non sia qua cerviello
(Ca nne vide de chiste ) a la nterlice;
Che non pensano a chello,
Che dice, o che desdice.
Clan. ’N paggiaria non ce sa de sti cervielle;
Ca so tutte jodicio; e sa Segnure,
Che ponno apparentà co Mperature:
So sincere; e non fanno jacoyelle.
Po no Capo hanno buono,
E ssaccente, e pprodente:
Hanno mastre de truono:
E chiste tutte a encia stanna attiente
A mpararle co ammore
Azzò facciano annore
A la streppegna lloro auta e sbrannente.
Ton. Ammico, me daie gusto
Chiù che se fecatielle.
Magnasse, o maccarune co l’arrosto.
Ca pur’io stimo chille signorielle.
Ma ’n paggiaria ch’attenneno a sapere,
Foro Io cravaccare,
Lo schermì, l’abballare,
Che songo studeie de li cavaliere?
Cian. Mparano lo Llatino,
Lo Grieco, lo Franzese,
Lo Spagnuolo, l’Angrese:
Paggena:Opere inedite di varj autori - Tomo I (1789).djvu/164
Chesta paggena è stata leggiuta.
154
La Paggiaria
La
