E l’ha lassate, auh! ncoppa na vreccia
Senza fa l’aulive, o l’acquareccia.
Aimmè! sto male juorno
Cchiù de na vota nce hanno nnevinato
(Mme l’allecordo buono)
Sse Cercole allampate da lo truono,
E da coppa na cerza scafutata
Purzì me lo diceva
Na guitta de Cornacchia,
Auciello, comme saie, de mala nova.
Ma steva giurgio, e non ce deze capo;
Ma venimmo a le ccorte: chi è sto Ddio
Vamme dicenno mo, Titero mio.
Titero
Aggio nfi a mò creduto, o Melibeo,
(Vi si n’era chiafeo?)
Che Rmma, fosse justo
Comme a ccheste pecocche, addò nuje scure,
E povere pasture
Li crapette de latte tennerielle
Arrecettà solimmo,
Accossì confrontava co li corze
Li cane peccerille, e li crapiette
Co le ccrape metteva ’n paraone.
Ma Romma tant’appassa
A cheste autre Cetate,
Quanto le tteglie, li cipriesse, e ppigne
S’auzano ncopp’a le nnocelle, e vvigne.
Melibeo
E comme’avut’aie tu st’accasione
De ire Romma a bedè?
Ti-
