Pecchè pure ste ppigne,
St’arvole, e ste ffontane
Te chiammavano, Titero, lontane.
Titero
Ch’avea da fare? non c’er’ autra via
D’ascì da schiavetute,
E bedè a ffaccia a ffaccia, e rreverire
Chille che comm’a Ddeie songo stimmate
Pe ttutte le Cetate;
Llà Melebeo mio, aggio specchiato
Chillo chiantuto giovane valente,
Pe chi l’autaro mio,
Dudece juorne fummeca: ’n tra ll’anno;
E che da me pregato
Primmo de tutte, sta resposta ha ddato:
Secotate a ppascere, guagliune,
Comm’a pprimmo le bacche
Sotto l’arato li vuoje mettite
Mo ch’è ttiempo, da cca non partite:
Melibeo
O viecchio fortunato,
Addonca sì rrestato
Dinto a le rrobbe toje,
Che songo tropp’assaje,
E vesuogno non aje:
Pocca de prete pommece na sepa;
E no pantano nchiude, e serra ’ntuorno
Co llota, e ghiunche tutte li pascune,
Nè mo nc’è chiù ppaura,
Che le ppecore prene sconcecasse.
Lerva cattiva, e nfetta,
O
