Giuvene tutte duie tutte duje Arcade,
Prunt’a ccantare apparo, ed a responnere
A sto luoco ment’io li mirte tiennere
Da lo friddo reparo: chillo zimmaro
Ch’è lo meglio, che tengo ntra tant’autre
S’era sbiato, quann’io smiccio Dafnide,
E chillo vist’a mme de faccia, subbeto
Me dice, o Melibeo, viene ccà azzeccate,
Non perdere chiù tiempo, è sarvo, crideme.
Lo capro, e li crapiette, fora collera.
Se te può ntrattenè, ccà ssotto assettate
A sta bella frescura, ed arreposate:
Se nn’hanno voglia, loro stisse veneno
Li jence pe ccà ’n miezo a st’erve a bevere,
Ccà lo Mincejo ha coperte co le ttennere
Canne le rripe vierde, e ccà se senteno
Li nsururre dell’Ape, e ’n chella cercola
Ch’è becchia, e tutta scafutata videle
Comme pe le ppertose esceno, e ttraseno.
Ch’avea da fa? non c’era Alcippe o Fillede
Guarzune mieie,che ’n madre li nchiudessero
L’aine da le mmamme separennone;
E a ccantà na desfida era grannissema
Ntra Tirze, e Ccoredone; io de sentirele
(Pocca so ccoriuso) resolvètteme,
E me jetto dereto lo niozejo.
Addonca responnenno luno all’autro
A cantare sti duje accommenzajeno.
Speretate parevano, e che l’ascessero
Da fore l’uocchie, credo, che le mmezzano
Le Mmuse stesse vierze, e l’allecordano.
Coredone accossì ncignaje, e ssubbeto
