Pul. ’O terzo ch’hadda essere nu gran micidiante?
Fior. e Cecco. Già.
Pul. Embè io ll’aggio ditto c’ ’o facesse miereco e chirurgo, accussì chillo accide ’a gente, suddisfa l’inclinazione e nisciuno lle pò dicere niente.
Fior. e Cecco. Beh, beh, beh.
Pul. Mme parite duie piecore pugliese.
Cecco. E tu ’e tenuto tantu spireto?
Pul. E tu pe chi m’avive pigliato?
Flor. Ebbene, se tu hai tanto spirito, lo devi impegnare anche pel tuo padrone.
Pul. Comme sarria a dicere?
Flor. Devi sapere che io sono innamorato perdutamente della figlia di D. Pasquale. Lo conosci?
Pul. No, nun l’aggio visto ancora.
Flor. Ebbene, tu devi fare in modo di parlarci e dirgli che io vorrei sposare sua figlia.
Pul. Si, ma stu don Pascale arò sta ’e casa?
Cecco. Ecco; chella è ll’abitazione soia. (mostrandogli la palazzina).
Pul. Ah! chillo è Pascale che sta ’e casa lla?
Cecco. Dunque lo conosci?
Pul. Nun me pare d’averlo canusciuto.
Flor. Dunque, vuoi andare?
Pul. Gnorsì, mo mò vaco... (p. a.) Ma diciteme na cosa: stu Pascale m’avessa rompere ll’osse?
Flor. Non v’è pericolo. Figurati, è una pasta di miele.
Pul. Ah, è una pasta di miele?
Cecco. Ma si... è nu zuccaro.
Pul. Mbè, quanno è accussi, ce vaco. (va alla palazzina e bussa).
Pasq. (d. d.) Chi è? (gridando)
Pul. Mamma bella! (fugge)
Flor. Ebbene?
Pul. E chillo è ’a pasta di miele? Chillo me pare l’arraggia mperzona!
Flor. Ma quello scherza; va a bussare.
Pul. Mall’arma d’ ’o scherzo, (c. s.) Oie de casa?
Pasq. (d. d.) Se calo rompo le gambe a chi ha bussato.
Pul. Puozz’essere acciso... chillo vò accummencià ’a via ’e gamme... (fugge).
Flor. Pulcinella perchè fuggi?
