Ciccio.
Ato che delitto! Scapricciarme na guagliona innocente p' 'e calcole vuoste...
Antonio.
(offeso) ’E calcole nuoste?!
Ciccio.
Pe v’accuncià 'e fatte vuoste co ’a dote soia! Eh! ma avite fatte 'e cunte senza ’o tavernaro... e ’o tavernaro sta ccà pe ve fa j pe ll’aria tutte ’e progette vuoste!...
Antonio.
(reprimendosi) Adò, jainmuncenne... (a Ciccio) Me dispiace una cosa, ca me sì frate!
Ciccio.
E bravo! simm’arrivate pure cu e minacce?
Antonio.
Minacce? E sarria pazzo! (ironico) Sulo me dispiace che figliemo s’ha pigliato chist'ardire... chillo 'e sperà nu matrimonio cu na giovene 'e sango reale!...
Ciccio.
Semp'accussì si stato: superbo e pezzente!
Antonio.
Superbo? Sì, simmmo 'e razza!... Pezzente, tu 'o ssaie nun sò stato sempe accussi... e tutte quante sotto 'o cielo starnino!...
Ciccio.
(nervoso) Mò m'avit’ ’a fà uno piacere: ve n’avif’a 'j, pecchè tengo ’e nierve che me vanno pe ll’aria!...
Antonio.
E giusto... m’hè chiammato mariuolo... e a figliemo n’hè cacciato... pe cunseguenza nun ce resta che levarve l’incomodo e pe ssempe!
