Ermelinda.
E allora giacché avimmo fatto pace nuie... s'addà fà n’ata pace mò...
Tutti.
(meno Ant:) Se capisce!.. se capisce!..
Antonio.
(con sdegno) Nun me parlate e chillo si nò me piglio ’o cappiello e me ne vaco primm' 'e mò!..
Chiarina.
(ad Ant.) Cu tutto che ogge è ’o nomme mio!..
Antonio.
Cu tutto che ogge è 'o nomme tuio!..
Chiarina.
ironica) E bravo!..
Antonio.
Cu chillo superbo, fanatico., nun nce voglio cchiù avè che fà!..
Ermelinda.
Eppure...
Antonio.
(con durezza) No, Ermelì, doppo chello ch'è succiesso tra me e isso, nun ’o voglio vedè cchiù!.. Già, chillo nun m’ha po tu io maie vedè... maie!.. Vò bene 'o cugnato, chillo piezzo 'e gesuita impostore!..
Ermelinda.
(c. s.) Eh!.. vedenno ’a stella àvutata, pur’isso se n’è scappato!.. Ma vuie site in errore, sentite a me!..
Antonio.
(c. s) In errore?.. Chillo nce ne cacciaie a me e Chisto: (indica Adol) comme a duie mariuole!.. Comme si nc’avesse truvato cu ’e minane dint’ 'a cascia forte...
