gliema che nce ritnmaneno n’ata sissanti na ’e migliare ’e lire d' 'a dote soia.. Pigliatella e miettela in commercio aunito cu chello che tiene tu...
\ntonio.
(ironico). Embè, tu pò affide tutto chello che t'è restato a nu mariuolo?..
Ciccio.
Sò inutile mò sti rimprovere.. sì te credevo tale nun sarria venuto cu 'e piede mieie addu te...
Antonio.
Però, sì avimm’ ’a fa sta cosa, 'a Ditta cammina comme sta cammenanno; c’ ’o nomme ’e figliemo!..
Ciccio.
(un pò punto d’orgoglio) No., e pecchè?
Antonio.
Pecchè nu putimmo mettere ati nomme...
Ciccio.
(un pò irritato) Vide che mò nun sò io l'orgoglioso 'e 'o superbo.
Antonio.
(irritato) E allora songh' io?..
Ciccio.
(a voce alta) E allora songh’ io?..
Nenè.
(ai due) Ma vuie 'a vulite fernì o no?.. E che diavolo! me parite duie piccerille!.. Doppo tanto tiempo che site state appiccecate, finalmente ogge ch'è 'a festa 'e Chiarina, pe na scemità ’e niente ve vulite disgustà n'ata vota?..
Antonio.
(rude) 'A Ditta chella add' 'a essere!..
Ciccio.
'O sentite, è isso nun‘già io!..
