Nenè.
E gghiammo, sì nun cedite uno 'e vuie.. E pò... nisciuno ’e tutt’ 'e duie, putite mettere 'e nomme vuoste...
Antonio.
(c. s.) E pecchè?..
Nenè.
(iad Ant:) Vuie fallisteve 12 anne fa...
Antonio.
Io sì, fallette, jette ’a lemmosena, ma pagaie a tutte ’e creditore!..
Ciccio.
(con forza) E io aggio pagato meglio ’e te’...
Ermelinda.
Zitto, m’è venuta n'idea che cuntenta a tutte quante!.. Mò ’a Pitta è: Adolfo Silvestri... vuie facìte invece: Adolfo Silvestri e compagno; comme ve pare?..
Nenè.
’E vvote ’e femmene ne sanno cchiù ’e nuie!.. (ai due) Che ne dicite?..
Antonio.
(un pò rabbonito) Quann’è accussi accetto. Avit"a vedè isso che vò fà?..
Ermelinda.
(piano a Ciccio) Pare brutto mo a nun accettà..)
Nenè.
(piano a Ciccio) Mò che facite vedè, che isso è ’o generoso!.
Ciccio.
(rabbonito) E si accetta isso, accetto pur'io!..
T UTTI.
(con gioia) Ah! finalmente!..
Nenè.
(con brio) E mò che ’a primma società è fatta., che aspettammo ’e ne cumbinà n’ata mò stesso?..
