Sasà
(con indifferenza) Ma Dio mio, quanta storie! Nun ’o fa. perdere tempo a stu giovane.
Ciccillo
(a Rafele piano) Chisto s'à miso ncapo ch'e figlio a Ruscilde (poi al sarto) A voi favorite. (Mettendo il denam sullo scrittoio) Cheste so' 'e 310 lire!
Sarto
(intascando il denaro) E con buona salute.
Sasà
Papà, dagli il pour boir.
Ciccillo
(al sarto) E cheste sò doie lire per voi! (ledà al sarto)
Sasà
(seccato si accosta a Ciccillo) Dateme tre lirette 'e spicce.
Ciccillo
(seccato) E cheste sò ’e tre lirette!... (gliele dà)
Sasà
(le unisce alle altre 2 e le dà al sarto) E tre sono 5; a voi. (poi piano a Ciccillo) Io non capisco perchè farsi criticare? Per una miseria di pochi soldi...)
Sarto.
Grazie distinte. Buon giorno a tutti (via dal fondo).
Ciccillo.
E spennimrno, spenni! Avimmo pigliato 'o terno!
Checchina
(a Ciccillo) Signò. ’o nepote vuosto ’o pozzo fa trasr?
Sasà
Chist’ato straccione cu sta faccia ’e muorte ’e famma m’urta ’e nierve! Tra le altre cose, va dicenno a destrave a sinistra che simme pure pariente...
