Ciccillo.
Nun dice buscia: è figlio ’e fraterne carnale!
Sasà.
Sì, sì; isso, ’o paté, chillo Nenè... me seccano assaie e nun poco! Noi che viviamo in un ambiente molto alto: Ermelinda che stà per spusarse un marchese, un signore della migliore società, sti pariente accussi ordinarie, accussi scamazzate m’urtano ’e nierve!
Rafele
(M’ha salvato a mme perchè sto presente...)
Checchina
(a Ciccillo) Signurì, ’o pozzo fa trasì?
Ciccillo.
Fallo trasì. (Checchina via dal fondo)
Sasà
Lasseme’ ’j a vestì a me... (via sinistra)
Rafele.
E io mene vaco a ffa nu poco ’e culazione (via dal fondo).
Ciccillo.
Tu vide che me succede p’ ’e capriccie e stu sfurcato!
SCENA 6.a
Adolfo, dal fondo e detto.
Adolfo
(con cartella di pelle nera sotto il braccio) Buongiorno, zi Ciccì.
Ciccillo
(annoiato, seduto allo scrittoio) Buongiorno. Pecchè tenive tanta premura ’e me parlà?
