Adolfo
Gli affari innanzi tutto.
Ciccillo.
'O giro cumm'è gghiuto? ’A provincia cumme và con gli affari?
Adolfo.
'O giro mio nun è gghiuto male affatto, ma 'a provincia, p* 'o cattivo raccolto, e sia pecché ’e cuntadine se ne vanno in America, sta nu poco scamazzata.
Ciccillo.
Ma io nun capisco pecchè chille zampruosche hanno lassa 'e paise lloro pe gghi ’a n'ata parte d’ ’o munno a suffrì stiente e privazioni.
Adolfo
Ognuno cerca ’e migliurà 'a condizione propria, caro zi
Ciccillo.
Ciccillo.
Che giro 'e commissione he fatto?
Adolfo
Dalle 25 alle 30 mila lire.
Ciccillo.
Nu poco meno ’e ll’ata vota...
Adolfo.
Eh! caro zio, cu' 'a pruvincia s’adda ’j cauto. Avarria potuto fa cchiù, ma io me tengo a ffa credito. Sapiteche nu cliente nuosto, De Liberto è fallito.
Ciccillo
(alzandosi di scatto) De Liberto è fallito? Tu che me dice? Nuie avanzammo na cifra rilevante...
Adolfo.
Ma io già ve scrivette duie mise fa ca chillo mio signore aveva puntato 'e pagamente...
