Ciccillo
Io nun saccio niente.
Adolfo.
Ma nun pò essere, nc’adda sta na lettera mia che v'avvisava.
Ciccillo.
Niente! Pateto nun m’ha ditto niente. Chill'animale s’ 'è stunato, s'è rimbambito.
Adolfo.
(calmo) Ma, aspettate nu mumento, zi Ciccì; primma 'e parlà ricordatevi bene.
Ciccillo.
(con ira) E tu sapive che stu De Liberto steva sotto ’o falli mento, e tiene 'o coraggio 'e manna a ccercà commissione pe cunto suio.
Adolfo.
Ma circa tre mise fa isso pagava esattamentente e nisciuno s apeva ’a posizione soia. E io mannaie na nota ’e commissione. Pò, duie mise fa, s'accumminciaieno a sentì voce ’e puntate ’e pagamente... Io me truvavo a Foggia e Uà appuraie tutte cose e ve scrivette.
Ciccillo.
Nun pò essere, pecchè fino a ddoie settimane fa nuie l’avimmo spedito mercanzie... Siente a me, tu nun he scritto n iente!
Adolfo.
(serio) Ah! nun dicite chesto, zi Ciccì. Io nun sò abituato a dì buscie. E pò’ cca tengo ’e documenté, ccà nce stà ’o copia-lettere, (accenna alla cartella).
Ciccillo.
E allora è stato pateto che nun m’ha ditto niente...
Adolfo.
Papà nun pò essere che se scurdava ’e na cosa così im‘ portante.
