Ciccillo.
(irritato) Allora sò io che sò diventante nu stunato?
Adolfo.
Nun è cchesto... ma certo vuie non accudite cchiù agli affari comm’a na vota...
Ciccillo
(c. s.) Bravo il mio signor nipote! Siete venuto a farm i anche degli appunti. A me, che v’aggio mparato a sta in commercio a quante ne site. Incominciando dal mio signor fratello.
Adolfo.
Chesto nisciuno v’ 'o contraddice.
Ciccio.
Jate nu poco a fidarve d’’e pariente, d' 'e frate!. Già, chillo sì sapeva fa ’e fatte suoie nun falleva!
Adolfo.
(calmo) Papà si fallette nun fuie pe nun sapè fà 'o commerciante, ma pe troppa bontà.
Ciccio.
Tu che buntà me vaie cuntanno! leva mettenno firme 'e favore a mbrugliune e mariuncielle!. Io aggio saputo fa.. Io, cu nu piccolo capitale sò addeventato uno d’ 'e cchiù forte negoziante 'e Napule., e me mantengo cu nu lusso e n’applò che faccio mmidia a tutte U'ate negoziante.
Adolfo.
A tutte cose nce vò fortuna..
Ciccio.
(con ira crescente) Ecco la gran parola!. 'A fortuna: ecco la parola degl'ignoranti e dei stupidi!
Adolfo.
Ma...
Ciccio.
Sì, sì, dei stupidi! ’A fortuna, ’o destino nc’ ’o facimmo
