nuie, e chi tene abilità va nnanze, e chi no, resta arreto!..
Adolfo.
(con calma e fierezza) Io, del resto, credo di non meritare nessun rimprovero...
Ciccio.
Pe t'acchiappà 'a pruvvigione nun fa niente che darrisse ’a rrobba mia a chi nun me paga!..
Adolfo.
(c. 5.) Io credo di aver fatto strettamente il mio dovere!
SCENA 7.a
Ermelinda e detti.
Ermelinda.
(esce dalla destra fermandosi sotto Vuscio) Disturbo? (a Ciccio) Damme nu bacio, papà... (corre ad abbracciare Ciccio)
Ciccio.
(baciandola) Te fa male ancora 'a capa?
Ermelinda.
Nun tanto.. Guè Adò, e che cugino si tu?. ’A che sì addeventato commesso viaggiatore della casa Silvestri te daie nu poco 'e tuono... he cacciato nu poco e superbia!
Adolfo.
E addò vuò ch’appoio sta superbia, neh Ermelì?.. Sono tanto una modesta persona..
Ermelinda.
'O wì, ’o vvì!. Te daie tuono, parie pure italiano: sono tanto una modesta persona! He fatto na faccia 'e persona seria.
Adolfo.
Eh! certo nun simmo cchiù guaglione comm'a na vota, cara Ermelinduccia..
