Michele.
Cavaliè, io nc’aggio ditto che vuie nun ce stiveve, pecchè sapeva che V. E. aveva asci pe gghì ’e ccorse 'o campo.
Ciccio.
Embè?
Michele.
M'ha ditto: dincello ’o cavaliere... pecchè saccio che sta dinto... che l’aggia parlà ’e n'affare 'e premura che le mporta. cchiù a isso che a me.
Ciccio.
Vuie vedite a me che me succede!... (come sentisse un rumore da basso) Affàccete, se fosse fermata n’automobile vicino 'o palazzo?
Michele.
(Va alla finestra) Gnernò, cavaliè, nun ce sta^. E nu nuovo acquisto di V. E.?
Ciccio.
(pavoneggiandosi) Sì, è na cusarella che mo m’ggio accattato.
Michele.
Sperammo che ve ne puzzate accattà 10, eccellenza!...
Ciccio.
Seh, accussi esco cu ’o treno mercio ’a matina!
Michele.
’O pozzo fa trasì, neh cavaliè?.
Ciccio.
Fallo trasì. (Michele via dal fondo) Chi maie sarrà st’Errico Spatella e che va truvanno ’a mè...
SCENA 10.a
Michele, Errico e detto.
Michele.
(dal fondo introduce Errico) Favorite, (via dal fondo).
