Errico.
(avvicinandosi a Ciccio eh’è sedato allo scrittoio) Tanti rispetti, signor Cavaliere...
Ciccio.
Qual’è lo scopo della vostra visita?
Errico.
Piano, piano... pecchè 'a gatta pe ghi ’e pressa fece 'e figlie cecate... caro signor cavaliere.
Ciccio.
(Ih! che bella crianza che tene stu lazzarone!) (fingendo calma): Caro signore io nun pozzo perdere tiempo pecchè aggio che fa.
Errico.
Ah, nun nce penzate cavaliè, io me spiccio subito. Ve pare, io sò n’ommo d’affare e pe me ’o tiempo è denaro.
Ciccio.
Dunque?
Errico.
Cavaliè, vuie a me me cunuscite?
Ciccio.
Veramente la fisonomia non m’è nova.
Errico.
E vvuie pure, cavaliè, nun è primma vota che ve veco...
Ciccio.
Vuie me pare che v’ ’a facita in galleria?
Errico.
Proprio vicino 'o Furtunio... dove tengo i miei affari.
Ciccio.
Seh, seh! Uà difatti, v’aggio visto spisso... Dunque?
Errico.
(a bassa voce) Cavaliè, nuie ccà stamme sule?
