Sasà
Oh, nun accumminciammo mo!
Ciccio.
(con rabbia mal repressa) E ttiene pure ’o curaggio ’e parlà? Ah! Ma tu sta vota nun ’a passe liscia! Io te manno ngalera a tte e sta marnata 'e mbrugliune mariuncielle.
Errico.
(risentito) Oh!!..
Sasà
(c. 5.) Papà!!..
Ciccio.
(a Sasà) Ma che t'he miso ’ncapo ’e me mannà 'a lemmosena! E mannarme mmiezo ’a strata a mme e ’a famiglia mia! Scellarato 1 Assassino!!..
Sasà.
1E cchiacchìere sò inutile, mò!
Ciccio.
Ah! Vuò che faccio ’e fatte?! ’E fatte sarriano ’e te zumpà ’e cerevelle pe ll’aria!..
Sasà
(infastidito) Uh! ferniscela!
Ciccio.
(esasperato) Ma primma che succede arruvina ’e sta casa, ào te ne caccio! Tè faccio fernì ’e fa ’o nobile d’ ’e brache
Sàsà.
(c. s.) Uh! mò m’he seccato, mo!...
Ciccio.
Carogna! (fa per avventarsi. Errico lo trattiene)
Sasà
(con rabbia) Ma che scenata è questa?!
