Ciccio.
Comme, tu cride che m'arrobbano?
Rafele.
Arrubbarte no, chesto nun 'o pozzo dì; ma saie... chi fa ’o pane sempe quacche cosa le resta azzeccato nfacci’ ’e dete.
Ciccio.
Comme... sarriano capace? Sò sanghe mio.
Rafele.
Eh, Ciccio mio... ’e denare sò cannarute... E pò te si: scurdato 5 o 6 mise fà ’o fatto ’e Dummìneco ’o facchino.
Ciccio.
Eh, chillo tnariuolo mò sta carcerato...
Rafele
Ma te pare che nu misero facchino teneva ’o curaggioe l’abilità ’e s’ annasconere dint' ’o deposito e isso sulo ’e notte cacciarse ’e ppezze ’e rrobba?
Ciccio.
E tu cride, che fraterno e nepoteme fossero complici.
Ciccio.
Dio me pozza fulminà se credo chesto... Ma la stessa logica ’e vvote te fa sospettà.
Ciccio.
Ma chillo m'è frate? Già frato! 'E chisti tiempe, se vede che nu figlio fa 'a firma fauza d’ ’o paté.
Clorinda.
Nc' haie pure nu poco 'e colpa tu! (a Ciccio)
Ciccio.
E pecchè?
Clorinda.
Pecchè, apprimma ive 'o studio d’ 'a matina ’e sette, e te ne venive 'a sera, mò nce vaie n’ora, nu pare d’ore al massimo...
