Clorinda.
'O legge ’o Marchesino.
Ciccio.
Se va a fa squartà pur'isso! Rafè, chello che me preme è ’o fatto d’ ’a guagliona... Telefona ’o studio che venisse mio fratello qui col degno suo signor figlio... e dincelle che portasse ’o libro d' 'e scadenze e nu riassunto d’ 'e crediti che s’hanno esigere e d' ’e mercanzie che stanno in deposito. He capito?
Rafele.
Va benissimo, (via dal fondo)
Ciccio.
Mò vedimmo si nun ne nveco ’o costrutto ’e tutte cose!...
SCENA 4.a
Checchina e detti, indi Nené
Checchina.
(dal fondo) Signurì, fora nce stà 'o nepote vuosto. (poi vìa a 1.a q. a destra).
Ciccio.
(con ira) Chillo sfurcato?
Nenè
(sarà ascito an pò prima) E io vi ringrazio di tutto cuore!...
Clorinda.
No, chillo Ciccio nun se credeva ch'ire tu, ma chilFato.
Nenè.
E ’o sfurcato a chi era diretto? A mio cugino Adolfo E ch’ha fatto 'e male chillo puveriello; chillo è nu faticatore che va currenno 'o munno pe se guadagnà ra cimpala.!...
