Ciccio.
(minaccioso) ’O sacc'io ch’ha fatto?! Che vaie truvanno?
Nenè.
Nun ve mettite paura ca nun sò venuto pe denare.
Ciccio.
E avarrisse fatto tutte ’e fatte tuoie...
Clorinda.
(a Nené) lamino, vuò chiacchiarià o no?
Nenè.
E mo, chiano chiano. Intanto si mò io fosse un nobile,, nu marchesino, per esempio, me farrisseve tutt'ata accuglienza.
Ciccio.
Se pò sapè che vuò?
TVenè.
Io sò venuto pe ve salutà, pecchè dimane parto, me metton’ata vota in viaggio. '
Ciccio.
Fa cose bone e fatica onestamente, pecchè tu nun tiene ato che chella vicchiarella ’e mammeta e nisciuno cchiù.
Nenè.
E gghiusto pe chesto sò venuto! ’A vicchiarella mia mò tene 70 anne e sta paricchio acciaccatala... (commosso) e si ’a perdo resto proprio sulo ncopp’ 'a terra... è overo che me sò miso a fà ammore cu na figliola ’a parte ’e Caserta ma 'a mugliera certo nun è 'a mamma.
Clorinda.
E sta figliola tene quacche cosa ’e denare?
Nenè.
Se capisce; si no me spusave na puverella: Aunevamo 'a. pezzentaria mia e a miseria soia... e stevemo overo commeto assaie!...
