un gran signore! E pò pe wuie sarrà nu bello giovene, sarrà elegante, distinto, e pe me invece ’o trovo antipatico, goffo* e cafone.
Ciccio.
Chisto è 'o discorso che t’ha mparato il tuo degno signor cugino Adolfo, chillo gran disperatone!
Ermelinda
(incalzando) E chi ve dice che stu marchese delle mie pantofole nun è cchiù disperato e chillo?
Ciccio e Clorinda
Oh!!.
Ermelinda.
Almeno Adolfo è intelligente, è lavoratore, e se sape abbuscà na lira, ma stu marchese, stu gran signore della provincia, doppo appena nu paro ’e vote che m’ha visto, s’ 'è innamorato pazzamente ’e me. Pecchè nun ha fatto 'a proposta ’e matrimonio a na nobile comm’a isso? Lloro che ci tengono tanto al titolo, pecché è venuto ’a cercà ’a mano mia, che sò figlia ’e nu mercante, ’a na borghesuccia arricchita, come diceno lloro!?
Ciccio
(a Clorinda) Tu ’a siente o no? L’ha saputo istruì bona chillo disperatone!
Ermelinda.
Tu a tutte chiamme disperatone! Ma 30 anne fa, manco niente tenive, pure 'o commessiello facive, ’e cu 'a dote 'e mammà te mettiste na putechella abbascio S. Eligio, cu quatte pezze ’e rrobba e nu bancone...
Ciccio
(scattando) Ah! svergognata! (per inveire)
Clorinda.
(trattenendolo) Ciccì!!.
