Chesta paggena è stata leggiuta.
’A nuvena ca fanno ’e zampugnare
è ’a voce antica d’e mmuntagne llore.
È ’o fuoco ch’arde dinto ’e fuculare,
pe ttramente fa ’a neve e ’o iuorno more…
È ’o rummore de fuse. E ’a cantilena
d’ ’a nonna-nonna. E ’a ’nziria ’e nu guaglione,
ca chiagne, strilla, pe quant’è ’a nuvena,
e po’ piglia e s’addorme ’int o spurtone…
È a voce de ccampane, pe ttramente
cantano ’e galle dint’’o vicenato…
È nu chicherichi luntanamente…
po’ - cchiù vicino
n’ato, n’ato, n’ato…
