Chesta paggena tene nu prubblema.
N'ATA VOTA...
a Vincenzo I....
Vularria tené vinte anne,
vularria ca fosse abbrile,
e Sufia spannesse 'e panne,
n'ata vota, 'int' 'o curtile...
P' 'o curtile antico e allero,
comm'a ttanno, chino 'e sole,
svulazzassero 'e palumme,
s'abbuffàssero 'e llenzole...
E, pe mmiezo 'e panne spase,
chella risa se sentesse;
e nu poco 'e vesta rossa
cumparesse e scumparesse
Mo scustanno nu lenzulo,
mo scustanno na cammisa,
mm accustasse 'a do' venesse
chella voce, chella risa...
