Chesta paggena nun è stata leggiuta.
125
canzone
Mo cu sta museca, si a Piedegrotta
nuie nce sperdessemo, mme può’ chiammà;
si ce vo* spartere stu votta votta
teng’ ’o remmedio pe te truvà.
Ma primma mpareme, pe te risponnere
subbeto subbeto, comm’ aggia fa’ ?
Meh iammo accostete, nun t’ annasconnere!
T’ha fatto specie la verità ?
Nun te pretennere,
nzunchete, nzu — ecc.
t
Ma a la malizia de stu rummore,
Ntunè, mantenere nun pozzo cchiù!
’A mano mietteme ncopp’ a stu core...
Siente ?... Fa nzunchete, nzunchete, nzu !
%
Statte !... Penzannece ll’ aggio truvato !
Mo te può’ sperdere comme vuo’ tu :
stu core a sbattere sta preparato...
Sientelo, sientelo; nzunchete... nzu!
Pigliarte collera
mo nun può’ chiù.
’A capa femmena,
sine, si’ tu !...
