Chesta paggena nun è stata leggiuta.
141
canzone
— Statte ? E pecche ? La spruceta
pur’ int’ ’o scuro faie ?
Teré ! mme pare pròpeto
Pascale Passaguaie !
Embè, si a me la sprìnia
mme fa veni l’abbiente,
mpietto na certa smania,
tu pure nun te siente ?
Meglio è lu scuro pe parla d’ammore
a lu scuro se fanno li mez’ore...
È overo, Teresì ?...
— Statte, Peppì !...
— Statte tu zitta ! Sentere
sta voce aggraziata
nun pozzo cchiù ! La smania
cchiù smania è addeventata...
St’uocchie int’ ’o scuro luceno,
luceno, comm’a stelle;
dint’ a li meie se nfocano,
tremmano sti manelle...
Ah ! nun t’avesse canusciuta maie !...
Teré ! Teré ! Te voglio bene assaie !.
Teresì!... Teresì!...
— Statte, Peppì !...
