Chesta paggena è stata leggiuta.
12
suniette antiche
MINACCE.
— SENTITE, mia signo', vuie pe dispietto
passate spisso spisso pe sta via,
e ghiusto nnanze a la puteca mia
facite ’o sentimento derimpetto !
Embè, che fa ? P’ ammore o gelusia
mo nun se sceta cchiù stu core mpietto...
Vuie ve spassate cu nu don pippetto ?
E i’ so’ lu ddio de la sciampagnaria !
Ma... siente, mia signo’... Sa’ che t’aviso?
Sta pazziella dura tropp’assaie;
nun passa cchiù, si vuo’ fa’ buono... é’ ntiso?
Ca po’, quanno succedeno li guaie,
quanno t’avraggio fatto nu straviso,
tanno surtanto te n’eddunarraie!
