Chesta paggena è stata leggiuta.
213
canzone nove
’A SIRENA
Quann’ ’a luna affacciannese ncielo
passa e splenne e ’int’ a ll’acqua se mmira,
e ce stenne d’argiento nu velo,
mentre ’o viento d’ ’a sera suspira;
quann’io sento pe st’aria addurosa
comm’ ’a voce d’ ’a terra luntana,
lenta lenta sunà na campana,
nteneruto me metto a vucà…
Tutte me diceno:
— Pe sotto Proceta
si passe, scanzete,
ca c’è pericolo!
Ce sta na femmena
ca ncanta ll’uommene;
s’ ’e chiamma… e all urdemo
po’ ’e fa murì! —
