Chesta paggena nun è stata leggiuta.
261
ariette e sunette
TUTTO SE SCORDA.
TUTTO, tutto se scorda,
tutto o se cagna o more;
e na chitarra è ammore,
ca nun tene una corda,
Ogge si’ tu; dimane,
forze, n' ata sarrà :
e po’ n' ata, chi sa,
si tiempo ce rummane.
Uocchie celeste o nire,
culore ’e giglio o ’e rosa,
sempe, sempe una cosa,
sempe ’e stesse suspire !
Si, suspiranno, io dico :
Quanto mme si’ custata !
Tale e quale a quacc' ata
tu suspire cu mmico...
