Paggena:Poesie - Salvatore di Giacomo.djvu/322

318

ariette e sunette

— Bonasera e salute, cacciuttié !...
Tu muzzocasse ?...— dicette ’o guaglione
Nun muzzeche?... — Teccà!... Statte cu m
Mo ce cuccammo. Viene ccà a ’o Patrone \
Mangiaimo nzieme; n’uosso *e na custata,
na scorza ’e caso e ddoie tozzole ’e Pane.
Saddurmettero nzieme: e ’int’ ’a nuttata
’o guagliunciello sabbracciaie c* ’o cane.
E campanno accussì, mo ’a ccà mo ’a Ila,
pe duie tre mise fecero stu stesso :
’o guaglione cercanno a carità,
e ’o canillo ferèle appriesso appriesso !...
Che succedette ? Ca na notta scura
o cane se sperdette. O guagliunciello
ll’afferraie l’ambulanza d’ a Quistura
e ’o tenette tre ghiuorne int’ o canciello.
Doppo tre ghiuorne, na bella matina,
pe nun ave chiù incomode e penziere,
’o purtaino int’ *o spizzio ’e Donnalbina
e ’o dettero a ruchessa ’e Ravaschiere.
E. ’o canillo? Addio zumpe e cuntentezza !...
Ll’aspettaie, puveriello! Aspetta, aspetta...
Che buo veni ?... Mo sta sott *a munnezza,
scamazzato a nu tramino d’ ’a Turretta...