Chesta paggena nun è stata leggiuta.
397
vierze nuove
SI È ROSA CA MME VO’...
NzERRATEME, nzerrateme addo stanno
tanfate, comm’a me, guardate e nchiuse,
addo passano ’a vita, sbarianno,
pazze cuiete e pazze furiuse.
Nchiuditeme pe sempe int* a sti mmura,
e ’o mastugiorgio mettiteme allato:
p’ ’o mmale ca tengo io ce vo’ cchiù cura :
io so’ stato traduto e abbandunato.
Si quacche amico mio, quacche parente,
nu iuorno, quann’ è viseta, venesse,
dicitele ca vene inutilmente,
e priatelo vuie ca se ne iesse.
Ma si mme vo’ na giovene, vestuta
cu na vesta granata, auta e brunetta,
si è Rosa ca mme vo*, si s è pentuta,
dicitele accussì: — Trase. T* aspetta.
