Chesta paggena è stata leggiuta.
38
voce luntane
LETTERA AMIROSA.
Ve voglio fa’ na lettera a ll’ingrese,
chiena e tèrmene scívete e cianciuse,
e ll’aggia cumbinà tanto azzeccosa
ca s’ha d’azzeccà mmano pe nu mese.
Dinto ce voglio mettere tre cose,
nu suspiro, na lacrema e na rosa,
e attuorno attuorno, a ll’ammilocca nchiusa,
ce voglio da’ na sissantina ’e vase.
Tanto c’avita di’: "Che bella cosa!
Stu nnamurato mio quanto è priciso!"
Mentr’io mme firmo cu gnostia odirosa:
Il schiavottiello vosto: Andonio Riso.
