Chesta paggena è stata leggiuta.
98
poemetti del cuore
afferrai sta striscia ’e velo
’a vasai, me l’ astipai....
Cammenava, ’a cumpagnia,
e de niente s’ addunai !
Essa tutta s' ’a redeva
cchiù de n‘ angelo bellella,
e nu raggio le luceva
tuorno tuorno a la faccella.
Io tremmavo... Ero felice
de tenè vicino 'o core,
nu ricordo, e de tuccarlo,
pe vasarlo a tutte ll' ore!
Te putevo, oi striscia 'e velo,
ogne juorno cuntemplà!
Te putevo, sempe d'Essa,
dint' 'a freva raggiunà!...
Te putevo di' chiagnenno
tutt' 'a sciamma 'e chesto ffuoco,
e, strignuto a tte, putevo
gudè 'nsuonno, pe nu poco...
