Chesta paggena è stata leggiuta.
100
poemetti del cuore
’e nnuttate ca nce perdo
a sunnarla e a suspirà,
quanno dinto a tutte 'e stelle
io me credo d' 'a truvà!
Io nun l’ aggio ditto ancora
che a guardarle sulo ’a vocca,
(chillo sciore ’e paraviso
ca se vede e nun se tocca)
già me sento dint' 'o pietto
ciento spate, e nun cumbino,
e me perdo, sulamente
si le passo pe vicino!
Tu che si'? Na striscia 'e velo
cu 'o ricamo 'e seta blù?
No, tu si' nu piezzo 'e cielo!
Tu si' Essa, e nun si' tu!
Io te veco, e veco a Essa!
Io te tocco, e so' nu Dio!
Tu sultanto putarrisse
raccuntà st' ammore mio!
