Chesta paggena è stata leggiuta.
108
poemetti del cuore
TRISTEZZA 'E VIERNO
Guarda: sti ffronne cadono
ngiallute, attuorno a nuie...
S' 'e pporta 'o viento... Pareno
l' ammore 'e tutt' 'e dduie...
Strisciano, vanno, passano...
So' palpete e suspire...
Songo penziere nire
perdute appriesso a te...
Guarda che cielo fàuzo,
e che tristezza 'e sera!
Pare ca nce cummogliano
cu na cuperta nera...
Pare ca nce strascinano
dint' 'a nu fuosso, cupo
comm' 'a na vocca 'e lupo
ca scampo nun ce dà...
