Chesta paggena è stata leggiuta.
110
poemetti del cuore
Scètame ! Viene ! Parlame !
Dimme ca sta serata,
cu sti turmiente ’e strazzio
è fantasia malata!
Dint’ a stu core sòname
l’ accordo ’e na canzone,
chella d’ 'a passione
d’ 'a vita mia pe te!
Scètame! E famme sentere
ca stai dint 'a sti vvene!
Scètame! E famme credere
ca me vuo' sempe bene!
Nun te stancà! Accumpagname,
portame a mane a mane,
pecchè si t' alluntane,
che sarrà mai de me?
