Chesta paggena è stata leggiuta.
111
poemetti del cuore
PAROLE ’O VIENTO
Pe te, Luntana mia, sempe stu core,
addulurato ca nun ’o vuò bene,
suspira e chiagne, e ’o sango dint' ’e vvene
vòlle d’ ammore!
Pe te, Luntana mia, st'uocchie abbruciate
de spine 'e fuoco e de nuttate chiare,
lùceno 'e freva e tutt' appassiunate
guardano 'o mare!
Cchiù llà, cchiù nnanza, addò fernesce 'a vista,
addò lu cielo all' acqua se cunfonne,
comm' a n' auciello vola ncopp' all' onne
st' anema trista.
