Chesta paggena è stata leggiuta.
128
poemetti del cuore
Addio speranze tanto suspirate,
belli speranze d' essere vuluto
nu poco 'e bene! Addio! Site vulate!
Songo rummaso sulo, appucundruto
senza ca manco n' anema avvucata
fosse cumparza pe me dà n' ajuto!
Ah, quanto stai luntana, Addulurata,
e comme addulurata overamente,
sola pe ccausa mia tu si' restata!
Si putesse sapè! Si canuscesse
chisto tifuggio tuio tanto segreto,
cchiù lesto d' 'o penziere io nce venesse!
E zitto zitto m'appresentarria
mmocc' 'a porta d' 'a cammera sulagna
e pe nu poco te cuntemplarria!
Tu stisse, puverella, a la fenesta
guardanno attuorno 'o vverde d' 'a campagna
o adacquanno na rosa int' a na testa,
