Chesta paggena è stata leggiuta.
129
poemetti del cuore
e nun putisse mmaggenarte maie
ca llà vicino, dint' 'a casa toia,
nce stesse ll' ombra 'e chi t' abbandunaie!
E n' ombra overo songo addeventato,
e lu penziere tuio, Scujeta mia,
Addulurata mia, t' ha vennecato!
Che facess' io vedènnote? Putesse
suppurtà troppo de vederte sola?
O nu sciummo da ll' uocchie me cadesse,
de chianto amaro, e me t' addenuchiasse
nnanza, chiagnenno te cercasse scusa,
e pentuto, accussì me strascenasse?
E allora tu, vedènnome avveluto,
vedènnome turnato a 'o primmo ammore,
quanno credive de m' avè perduto,
che faciarisse?
Ma tu stai luntana,
e i' sto sunnanno senza piglià suonne;
e quanno allucco na nuttata sana,
nisciuna voce attuorno me risponne!
9
