Chesta paggena è stata leggiuta.
138
poemetti del cuore
SUONNE CHE PASSANO...
Suonne che passano,
fronne cadute,
pantane 'e lacreme,
sciure sfrunnate,
nomme chiammato—e suspirato...
Che terramoto,
quanno m’avoto
ncopp’ a stu lietto — chino ’e turmiente!
Core, tu stente?
Core, ricordate!
Mane strignute,
risate e spàseme,
gioie e suspire...
Penziere nire,—suonne d’ammore,
prumesse e vase,
raggio che trase,—me schiara ’o core,
me dà l’ammore,—e me ncatena,
po’ m’avvelena...
po’... se ne va...
