Chesta paggena è stata leggiuta.
141
poemetti del cuore
Anne che pàssano,
capille janche...
Quanta tristezza! Chi m’accarezza?
Suonne che restano, — spine pugnente,
smanie c’ accidono,
che m’ avvelenano — pecchè? Pe niente!
Mane strignute,—manelle amate
c’ hanno sceppato
da dint’ ’o pietto — st’ anema mia !..,
Lettere scritte,
tutte mparate!
Nomme strillato — pe miezo ’a via...
Freva ’e pazzia...
Cielo, che strazzio, — che cose amare!
N’ abbaglio ’e vista,
nu velo ’e lacreme,
nu schianto acuto...
Suonno perduto,
suonno arrubbato,— core squartato...
Mamma, che guarda
stu figlio suio—ca nun ’a parla,
ca nun ’a vasa,
ca va p’ ’a casa,
senza guardarla,
senza risponnere,
pe nun ’a nfonnere
de tutt’ ’e llacreme — ca tene ncore...
St’ ata nuttata—pure è passata...
