Chesta paggena è stata leggiuta.
146
poemetti del cuore
Uno sta sulo pe vulè suffrì
quanto meno po’ essere?.. E che fa?
Tu, pe tramente chillo sta accussì,
’o vaie ’e spalle p’ ’o curtellià!
Ah, c' allegria
sta vita mia!
Cheste so’ cose overo 'a stravedè!
E t’ ’o ddich' io,
pe cunto mio:
so’ succedute sulamente a me!
Perciò stu lagno mio nun è pe te,
ma l' aggio scritto sulo pe cantà
c’ ’a gente che m' ha fatto male a me,
pe quant’è certo Dio l’ha da scuntà!
E st’ allegria
d’’a vita mia
ca ’o sentimento tuio m’ ha dato a me,
mo, t’’o ddich’ io,
pe cunto mio:
te cade ncuotto tuttaquanta a te!
