Chesta paggena è stata leggiuta.
147
poemetti del cuore
Trase e jesce, chiagne e ride,
mo t’accide e mo te vasa!
È na santa, si t' accide,
na demmònia, dint’ 'a casa !
Chiamma a chisto, votta a chillo,
t' arravoglia a miezo munno,
e te mbroglia tanto ’e ccarte
ca si’ quatro, e muore tunno!
Luna luna marzulina,
chisto core pava ’e spese!
A sta vunnella
diavulella
nce ne stanno fose appese!
Capille ricce,
ciento capricce,
nu tradimento
ogne mumento;
pò cierti lacreme,
pò na risata,
ccà ciento spaseme,
nu squaso llà...
E doppo, ’o naso ’e ll’ uommene
cchiù luongo assai se fa!
