Chesta paggena è stata leggiuta.
148
poemetti del cuore
Pe ttramente t' ha giurato
ca è de core e sentimento,
t'ha traduto e t'ha ngannato
dint' a manco nu mumento !
Doppo n' ora torna e dice
ca stu nganno è nu pazzia;
t' arravoglia e si' ffelice!
«Core mio!... Bellezza mia!...»
Luna luna marzulina
chisto core pava 'e spese !
A sta vunnella
diavulella
nce ne stanno fose appese!
Ciento pasticce:
se stuta e appicce;
tre frenesie
quatto buscie;
po’ comm' ’o fruvolo
te scappa 'a mana,
pò ll'uocchie parlano
pe te nfuscà.....
E doppo? ’O naso ’e ll’ uommene
cchiù luongo assai se fa!
