Chesta paggena nun è stata leggiuta.
186
POEMETTI DEL CUORE
E fìsca 'o viento. Stevamo
mmiezo a nu cielo ’e festa,
tutte felice.... e ’a furia
nce coglie d’ ’a tempesta....
Passano ’e ragge, moreno
’e lluce ’e tutt’ ’e stelle;
corrano e s' accavallano
’e nnuvole cchiù belle,
e formano una nuvola
ca se fa nera, e va !
E chiste songo l'uommene!
Chest’ è l’ umanità !
Guardate : se ne traseno
’e stelle a una a una;
arreto a ll’ ati nnuvole
già s’annasconne ’a luna ;
già na tempesta d’aria
'e ciele fa cchiù cupe;
già ’e tuone te spaventano
comm' a na chiorma ’e lupe ;
