Chesta paggena è stata leggiuta.
18
Po' sentive 'a nu lato: — «Stammatina
brutt'affare!... Tre scorze 'e purtuallo ¹),
nu palummo e na rota ... È n'arruina!...
Vi' c'affarune, che!... Stammo a ccavallo!» —
Da n'auto lato: — «Mannaggia 'a Marina!
T"e fatto scappà pure a chillo gallo!...» —
— « Facennolo capone, int"a cantina,
nce ne sarriano jute 'a festa 'e ballo!
Io m"o steva crastanno... Ch'era sceme!...
Ma de rimpetto a mme, vicino 'a porta,
aggio ntiso l'addore 'e nu feroce!
M'aggio vippeto 'o rrusso e tutto 'nzieme
affio filato. Tengo 'a mala sciorta,
che nce vuò fa!... Ma nun ce faccio croce!»
