Chesta paggena è stata leggiuta.
207
poemetti del cuore
Vedite abbascio llà chella funtana?
Chella teneva tutte li vvirtù!
Da che venette 'a bbona cristiana,
mo' manco ll'acqua nun è bbona cchiù!
Mo' nun ve pozzo dà dui giesummine
manco si m' 'e pavate a piso 'argiente...
Chisto, ch'era 'o ciardino d' 'e ciardine
da quacche mese è addeventato niente.
Perciò, turnatevenne, ca n'è cosa!
Mo' m'aggio fatto troppo 'a vocca amara!
Vui jate ascianno 'addore 'e malvarosa
e ccà cresce l'ardìca campanara...!
