Chesta paggena è stata leggiuta.
208
poemetti del cuore
— Bella ca tiene sta rusella mpietto,
che vai facenno pe stu vuosco, sola?
Essa passava mmiezo a li vviole
comm'a nu suonno 'e na nuttata 'abbrile;
teneva ll'uocchie 'e cielo e nfronta 'o sole;
nfaccia, 'o culore d' 'e ggiglie ggentile.
— Che vai facenno pe stu vuosco, sola,
bella ca tiene sta rusella mpietto?
Essa jeva 'ntrezzanno a rammagliette,
carufanielle e rose d'ogne mese;
nun me guardai e nun me rispunnette;
passai, cu ll'uocchie 'nterra, 'e ttrezze scese.
