Chesta paggena è stata leggiuta.
227
piccola borghesia
— E l'altra? — Chi, Sisina? Poveretta,
colla saluta gràcita che tene,
coll'amenìa, che è come nelle vene
il sangue vostro fosse un po' d'acquetta,
c'ha da fa?... Resta in casa! E mo' arricetta,
e mo' arricama, e mo' sta poco bene,
e mo' tussisce...! Io sto fra mille pene!...
— E... nun le fate fa' qualche curetta?...
— Cummara mia! Ma tutto, si è tentato!
Chella, 'o stommaco 'e chella è fatto puzzo!
Se sapreste che bobbe s'ha ingoiato!...
Proprio l'aldr'ieri, il medico, De Maio,
lle prescrivette l'olio di merluzzo,
quello col pesce addietro al marinaio...
